Oralda aýa raıyna baılanysty birqatar shaǵynaýdanǵa sý berý toqtatyldy
ORAL. QazAqparat – Oralda aýa raıyna baılanysty Zachagan kentiniń shaǵynaýdandaryn sýmen qamtý toqtatyldy, dep habarlaıdy QazAqparat tilshisi.
«Batys sý arnasy» JShS málim etkenindeı, qardyń kúrt erýinen kenttegi ózdiginen aǵatyn káriz kollektoryndaǵy sarqyndy sýlar deńgeıi kóterilgen.
Sol sebepti áleýmettik nysandarǵa sý basý qaýpi tóngendikten, saǵat 14.00-den bastap shaǵynaýdandardy sýmen qamtý toqtatyldy. Jergilikti saǵat 18.00-den 21.00-ge deıin sý berý ýaqytsha qalpyna keltiriledi. Saǵat 21.00-den 5 aqpan kúngi 07.00-ge deıin sýmen qamtý qaıta toqtatylady. Erteń saǵat 07.00-den bastap sý qaıta beriledi.
«Osy aralyqta turǵyndar sýdy jınap alǵan jón. Ýaqytsha qolaısyzdyqtar úshin keshirim ótinemiz», dep habarlady «Batys sý arnasy» JShS-nyń baspasóz qyzmeti.
Búgin Oralda seldetip jańbyr da jaýdy.
Eske sala keteıik, budan buryn Batys Qazaqstanda jolda qalǵan 7 adamnyń qutqarylǵanyn jazǵan bolatynbyz.
