Oralda aýa raıyna baılanysty áýejaı jabyldy
ORAL. QazAqparat – Oralda aýa raıyna baılanysty áýejaı jabyldy, dep habarlaıdy QazAqparat tilshisi.
«Oral» halyqaralyq áýejaıynan málim etkenindeı, áýejaı jergilikti saǵat 14.00-ge deıin jabyldy.
Fly Arystan ushaǵy Oraldan Almatyǵa túngi saǵat 00.20-da ushýy tıis edi. Bul reıs saǵat 17.35-ke qaldyryldy.
Al Nur-Sultan qalasynan Oralǵa ushyp kelýi tıis Eır Astana reısi kelmeıtin boldy.
Fly Arystan ushaǵynyń ýaqytynda ushpaǵany jóninde Álııa Jamıtova esimdi jolaýshy Facebook-tegi paraqshasynda jazdy.
Onyń aıtýynsha, reıs aldymen túngi saǵat 02.00-ge deıin kidirtilgen. Sodan keıin Fly Arystan ókilderi saǵat 17.35-te ushatyndaryn aıtyp, eshqandaı qonaqúı berilmeıtinin habarlaǵan. Á.Jamıtova «Oral» áýejaıynyń eski ǵımaratynda eshqandaı jaǵdaı jasalmaǵandyǵyn jetkizdi.
Foto: www.facebook.com/aliya.zhamitova.9
