Oralda ataqty palýan Saılaý Muqashevtyń júldesi úshin respýblıkalyq jarys ótýde
ORAL. QazAqparat - Oral qalasynda búgin ataqty palýan, erkin kúresten KSRO sport sheberi, 1973 jylǵy KSRO birinshiliginiń qola júldegeri, búkilodaqtyq jazǵy aýyl oıyndarynyń birneshe dúrkin jeńimpazy Saılaý Muqashevtyń júldesi úshin eresekter, 2004-2006 jylǵy jáne odan kishi jasóspirimder arasynda respýblıkalyq ashyq týrnır bastaldy, dep habarlaıdy QazAqparat tilshisi.
Erkin kúres dodasyna Aqtóbe, Atyraý, Jambyl, Qyzylorda, Mańǵystaý oblystary men Batys Qazaqstan aýdandarynan barlyǵy 13 komanda quramynda palýandar 14 salmaq dárejesi boıynsha boz kilemde beldesýde.
Jarystyń ashylý saltanatyna áıelder kúresinen Rıo olımpıadasynyń qola júldegeri Ekaterına Larıonova, erkin kúresten jýyrda Býdapeshte ótken álem birinshiliginiń kúmis júldegeri Nurlan Bekjanov qatysty. Baýyrjan Begaıdarov shákirtteri atynan Saılaý Muqashevtyń, sondaı-aq el mereıin ústem etip júrgen batysqazaqstandyq N.Bekjanovtyń ıyǵyna shapan jaýyp, qurmet kórsetti.
Dástúrli týrnır erteń márege jetip, jeńimpaz-júldegerler anyqtalady.
