Oralda ata-anasyna renjigen 15 jasar oqýshy qyz úıinen ketip qalǵan
ORAL. QazAqparat – Oralda 15 jastaǵy mektep oqýshysy úıinen ketip qalǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqýshy qyz úıinen keshe keshkisin shamamen saǵat 21.00-de ketken.
Anasy qyzynyń joǵalyp ketkeni jóninde saǵat 22.26-da polıtsııaǵa habar bergen.
Polıtsııa qyzmetkerleri qyzdy túnimen izdestirdi, tek tań ata onyń qaıda ekenin anyqtady.
Úı ishimen kerisken oqýshynyń hat jazyp, úıinen ketip qalǵany belgili boldy.
Qazirgi ýaqytta qyzben jáne onyń ata-anasymen ıývenaldy polıtsııa ınspektorlary túsinik jumystaryn júrgizýde.
Aıta keteıik, 2019 jyly polıtsııa organdaryna joǵalǵandar jóninde 632 shaǵym túsip, sonyń ishinde 579 adam kóp uzamaı tabylǵan.
