Oralda áskerı psıhologtar bas qosty (FOTO)
«Batys» óńirlik qolbasshylyǵynyń baspasóz qyzmetinen túsken málimetke qaraǵanda, qolbasshylyqtyń tárbıe jáne áleýmettik-quqyqtyq jumystar basqarmasynyń bastyǵy, podpolkovnık Álisher Ábdirasyl jetekshilik etken jıynǵa Aqtaý, Atyraý, Aqtóbe jáne Oral garnızondarynyń psıhologtary qatysyp, kásibı sheberlikterin ushtady. Kóktemgi áskerge shaqyrý aldynda psıhologtar kókeıkesti máselelerdi talqylap, tájirıbelerimen bólisti. Ásirese, jańadan keletin jastardy áskerı ortaǵa beıimdeý máselesine erekshe kóńil bólindi. Sonyń ishinde ózine-ózi qol jumsaýdyń aldyn alýdyń mańyzy zor ekendigi aıtyldy.
Jıyn barysynda oblystyq psıhıkalyq densaýlyq ortalyǵy, BQO boıynsha qylmystyq-atqarý júıesi departamenti, M.Ótemisov atyndaǵy Batys Qazaqstan memlekettik ýnıversıteti, «Insaıt» psıhologııalyq ortalyǵynyń mamandary sóz alyp, oı-pikirlerin ortaǵa saldy.
