Oralda áskerı qyzmetshi avtokóligimen baǵanǵa soǵylyp, ózi aýrýhanaǵa tústi
ORAL. QazAqparat – Oralda áskerı qyzmetshi avtokóligimen baǵanǵa soǵylyp, ózi aýrýhanaǵa tústi, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 4 aqpan kúni saǵat 01.30 shamasynda Chagano-Naberejnaıa kóshesinde boldy.
1992 jylǵy júrgizýshi «VAZ-21144» avtokóligimen jol qozǵalysy qaýipsizdigin saqtamaı, rýlge ıe bola almaı, qarsy betke shyǵyp ketip, odan baǵanǵa soǵylǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, jedel járdem saǵat 01.43-te jetken. Jabyq bas-mı jaraqatyn alyp, mıy shaıqalǵan jáne jambas ushy synǵan. Ol qalalyq kópbeıindi aýrýhanaǵa jatqyzyldy.
Qazirgi kezde ony ákimshilik jaýapqa tartý máselesi sheshilýde.
QR Ulttyq ulany «Batys» óńirlik qolbasshylyǵynyń baspasóz hatshysy Erbolat Sultanov jol-kólik oqıǵasyn jasaǵan júrgizýshiniń áskerı qyzmetshi ekendigin rastap, qyzmettik tekserý júrgiziletinin jetkizdi.
