Oralda arqan tartystan Qazaqstan Respýblıkasynyń rekordy ornatyldy
ORAL. KAZINFORM — Búgin Oral qalasyndaǵy Tuńǵysh Prezıdent atyndaǵy ortalyq alańda bir mezette 200 adam arqan tartystan saıysqa tústi.
Jarysqa «Jaıyq» jáne «Edil» komandalary qatysyp, ózara myqtyny anyqtady.
Qyzyqty da tartysty ótken básekede «Jaıyq» komandasy jeńiske jetip, kópshiliktiń qoshemetine bólendi.
Atalǵan jetistik resmı túrde tirkelip, Oral qalasy arqan tartys boıynsha Qazaqstannyń rekordtar kitabyna endi.
Sharaǵa arnaıy kelgen Qazaqstan rekordtar kitabynyń resmı ókili Qýandyq Qudaıbergenov rekord ornatylǵanyn jarııalap, sertıfıkatty saltanatty túrde tabystady.
Eske sala keteıik, budan buryn «Jaıyq» komandasynyń voleıboldan Qazaqstan chempıony atanǵanyn jazǵan bolatynbyz.
