Oralda arba súıretip, 9 qabatty úıdiń tóbesinde serýendegen adam vıdeoǵa túsip qaldy
ORAL. QazAqparat – Oralda er adam toǵyz qabattyń úıdiń tóbesinde balalar arbasymen júrgen, dep habarlaıdy QazAqparat tilshisi.
Áleýmettik jelide taralǵan beınejazbada er adamnyń Zaharov kóshesi, 3-úıdiń tóbesinde balamen qydyrystap júrgeni, oǵan koronavırýstyń qaýipti emestigi aıtylady.
BQO polıtsııa departamentiniń resmı ókili Bolatbek Belgibekovtiń aıtýynsha, oqıǵa 2 sáýirde oryn alǵan.
«Er adam balalar arbasyna qýyrshaq salyp alyp, toǵyz qabatty úıdiń tóbesinde árli-berli júrgen. Oǵan mundaı qadamǵa barýdyń durys emestigi aıtylyp, eskertý jasaldy», dedi QazAqparat tilshisine B.Belgibekov.
Eske sala keteıik, budan buryn BQO-da tótenshe jaǵdaı talabyn buzǵan aqtóbelik júrgizýshiniń qamaýǵa alynǵanyn jazǵan bolatynbyz.
