Oralda ár tórtinshi urlyq uıaly telefonǵa qatysty bolyp otyr
ORAL. QazAqparat - QR Bas prokýratýrasymen 2016 jyldan bastap qolǵa alynǵan «Urlyqqa tosqaýyl» jobasyna sáıkes Oral qalasynda birqatar is-sharalar atqarylýda, dep habarlaıdy «QazAqparat» HAA tilshisi.
BQO prokýratýrasynyń baspasóz qyzmetinen túsken málimetke qaraǵanda, ótken jyly qala aýmaǵynda 5413 urlyq tirkeldi, bul aldyńǵy jylǵydan (4839) 11,9 paıyzǵa kóp. Jalpy qylmystyń 60 paıyzyn osy urlyq quraıdy.
Taldaý kórsetkenindeı, qalada jasalǵan ár tórtinshi urlyq uıaly telefondarǵa qatysty - 1412, bul 2015 jylǵydan (1399) 0,09 paıyzǵa ósken. Munyń bir ushy uıaly telefondardy ótkizý oryndarynda suranystyń bolýymen baılanysty. ıAǵnı qalada ustalǵan telefondardy ótkizetin 70 oryn bolsa, sonyń ishinde saýda úılerinde 37 satý núktesi, sondaı-aq 14 jóndeý sheberhanasy, bazarlarda 19 núkte taǵy bar.
Sonymen qatar akkýmýlıatorlardy urlaýdyń jıileýi alańdatady. Mysaly, 2016 jyly osyndaı 307 derek tirkelgen, bul 2015 jylǵydan (78) 3,9 esege artyq. Munyń aldyn alýdyń bir joly akkýmýlıatorlardy, sondaı-aq metaldardy qabyldaıtyn oryndardyń jumysyn baqylap, birlese áreket etý bolyp tabylady. Kúni búgin Oralda metall qabyldaıtyn 13, akkýmýlıatorlarmen aınalysatyn 36 pýnkt jumys jasaıdy.
Qazirgi tańda osyndaı oryndardyń, lombardtardyń, saýda núkteleriniń urlanǵan buıymdy qabyldaýyna jol bermeý maqsatynda olardyń ıelerine qylmystyq jolmen kelgen múlikti ıemdengeni nemese ótkizgeni úshin QR QK 196-babyna sáıkes qylmystyq jaýapkershilikke tartylatyny jóninde eskertý jumystary júrgizilýde.
