Oralda aptasyna 100 myń dana maska shyǵarylmaq
ORAL. QazAqparat – Oral qalasy kásiporyndarynda aptasyna 100 myń dana maska shyǵarý josparlanýda, dep habarlaıdy QazAqparat tilshisi.
BQO kásipkerlik jáne ındýstrııalyq-ınnovatsııalyq damý basqarmasy basshysynyń orynbasary Janna Bekqalıevanyń aıtýynsha, bul jumyspen barlyǵy jeti kásiporyn aınalysady.
Olardyń birnesheýi iske kirisip te ketti. Shıkizat jetkilikti, Reseıden ákelinýde. Maskalar dárihanalarǵa da beriletin bolady.
«Aptasyna 100 myń dana maska qajettilikti óteıdi dep otyrmyz. Materıal ár túrli. Úsh, bes qabatty maska tigiletindikten, baǵasy da ár túrli», dedi J.Bekqalıeva.
Maska tigip jatqan kásiporynnyń biri – «ıAgýar» tigin fabrıkasynyń dırektory Berik Ábilqasovtyń sózine qaraǵanda, tórt kúnde munda 6 myńnan astam maska shyǵarylǵan.
«Biz mekemelerden tapsyrys boıynsha tigip jatyrmyz. Mysaly, «Oraltehservıs», «Jaıyq taza qala» JShS, oblystyq polıtsııa departamenti 1 myń danadan tapsyrys berdi. Barlyǵy 12 adam jumys isteýde, kúnine 1700-deı maska tigiledi. Baǵasy orta eseppen ár danasy 180 teńgeden. Bul maskalardyń bir ereksheligi, ony jýyp, 10-12 ret paıdalanýǵa bolady», dedi B.Ábilqasov.
