Oralda apattyq úıler máselesi birtindep sheshiletin bolady - BQO ákimi
ORAL. QazAqparat - Oral qalasynda apattyq úıler máselesi birtindep sheshiletin bolady. Bul týraly qala ákimi Narıman Tóreǵalıevtiń turǵyndarmen eseptik kezdesýinde óńir basshysy Altaı Kólginov málim etti, dep habarlaıdy «QazAqparat» HAA tilshisi.
Onyń aıtýynsha, qazir qalada osyndaı 41 úı bar, olarda 1 500-deı adam nemese 320 otbasy turyp jatyr. Buǵan deıin Depovskaıa kóshesinde apattyq úıdiń ornynda 9 qabatty jańa úı paıda boldy. Bıyl Qurmanǵazy jáne ıÝ.Gagarın atyndaǵy kóshelerde taǵy eki úıdiń ornyna memlekettik-jeke áriptestik negizinde jańa turǵyn úıler salý kózdelýde. Turǵyndar kelisim berdi. Jalpy, aldaǵy ýaqytta turǵyndar kelisse, Oralda tutas kvartaldy súrip tastap, ornyna 5 jańa turǵyn úı salý oılastyrylýda.
«Mundaı jumystarǵa qurylys kompanııalary daıyn. Olardyń is-tájirıbeleri jetkilikti. Turǵyn úılerdi kóptep salý baǵytynda josparly sharýalar atqaryla beriletin bolady. El táýelsizdiginiń 25 jyldyǵy toılanǵan 2016 jyly 1 500 páter paıdalanýǵa berilse, «Nurly jol» baǵdarlamasy aıasynda turǵyn úıler bıyl da boı kóteredi. Jalpy, ótken jyly Elbasy tapsyrmasyna sáıkes «Nurly jol», óńirlerdi damytý jáne basqa memlekettik baǵdarlamalar aıasynda 47 mlrd teńgeniń jumystary atqaryldy», dedi Altaı Kólginov.
