Oralda apat saldarynan birneshe shaǵynaýdan salqyn sýsyz qaldy

ORAL. KAZINFORM — Oral qalasyna qarasty Zachagan kentinde birneshe shaǵynaýdanǵa salqyn sý berý toqtatyldy.

«Batys sý arnasy» JShS-dan málim etkenindeı, «Keleshek mektepteri» jobasy aıasynda medıtsınalyq kolledj aýdanynda salynyp jatqan mektep qurylysy barysynda merdiger uıym «UES» JShS Jáńgir han kóshesi boıyndaǵy dıametri 400 mm magıstraldyq sý qubyryna aqaý keltirgen.

- Sonyń saldarynan «Qazaq aýyl», «Keńdala», «Jaqsy aýyl», «Kóktem», «Arman», «Sarytaý», Qus fabrıkasy, medıtsınalyq kolledj, mamandandyrylǵan halyqqa qyzmet kórsetý ortalyǵy aýdandary, Jáńgir han kóshesi 55, 57, 61, 61/1, 67, 69, 71-mekenjaıyndaǵy kópqabatty úıler salqyn sýsyz qaldy. Osyǵan baılanysty «Sarytaý» shaǵynaýdany S.Aıtqulov kóshesi 63 (№ 50 mektep), Qus fabrıkasy (Avıgıp), M.Móńkeuly 51A-mekenjaıynda (Zere Hall) sý tasymaly uıymdastyrylady. Apatty keshki saǵat 19.00-ge deıin joıý kózdelip otyr, - dep habarlady vedomstvodan.

Eske sala keteıik, budan buryn Oralda jylý qubyrynyń jóndelýine baılanysty 11 mekeme ystyq sýdan ajyratylǵanyn jazǵan edik.