Oralda anasynyń qaraýynsyz qalǵan úsh qyz bala aýrýhanaǵa tústi
ORAL. QazAqparat – Oralda anasynyń qaraýynsyz qalǵan úsh qyz bala aýrýhanaǵa tústi, dep habarlaıdy QazAqparat tilshisi.
BQO densaýlyq saqtaý basqarmasynyń baspasóz qyzmeti málim etkenindeı, oblystyq kópbeıindi balalar aýrýhanasyna 4, 1,2 jasar jáne 1 aılyq sábı keshe keshkisin
jetkizilgen.
Polıtsııa ınspektorlarynyń sózine qaraǵanda, olardy kórshileri shaqyryp, úsheýiniń eresekterdiń qaraýynsyz qalǵanyn habarlaǵan.
Aýrýhana bas dárigeriniń orynbasary ıÝlııa Gorıachevanyń aıtýynsha, balalar qanaǵattanarlyq jaǵdaıda túsken, eshqandaı aýrý belgileri baıqalmaǵan. Bári de taza, jaqsy
kıingen. Bir aılyq sábıdiń taza pampersi bolǵan. Ol 1,5-2 saǵattaı ashyqqan.
Atalǵan otbasy balalar aýrýhanasyna burynnan belgili. Osyndaı oqıǵa budan tórt jyl buryn bolǵan edi. Onda da anasy qyzyn qaraýsyz qaldyryp, kórshileri polıtsııaǵa
habarlaǵan bolatyn. Keıin anasy qamqorshylyq organynyń ruqsatymen sábıin qaıta alyp ketken edi. Bul joly ol aýrýhanaǵa áli habarlasqan joq.
Nusqaýlyqqa sáıkes eki kishkentaı qyzdy bóbekter úıine, úlkenin qabyldaý-taratý ornyna jiberedi. Eger anasy kelse, oǵan qyzdary qamqorshylyq organynyń kelisimimen qaıtarylady.
