Oralda anasy men qyzy Jaıyq ózenine batyp kete jazdady
BQO TJ departamentiniń baspasóz qyzmeti málim etkenindeı, oqıǵa 11 shilde kúni saǵat 18.45-te Stella aýdanynda boldy.
«13 jasar qyz jabdyqtalmaǵan jerden tereń sýǵa túsip, batyp bara jatqanda, anasy aıqaılap júgirgen. Qutqarýshylar jetip úlgergen, qyzdyń ákesi de sýǵa sekirgen. Jedel qutqarý jasaǵynyń kúshimen (2 adam, 1 qaıyq) 43 jastaǵy áıel men onyń qyzy qutqaryldy. Olar qalaǵa Terekti aýdany Qonyssaı aýylynan kelgen bolyp shyqty. Bıyl jyl basynan beri oblysta 8 adam sýǵa ketse, sonyń úsheýi – balalar. Qutqarylǵan 12 adamnyń 8-i – jasóspirimder. BQO TJ departamenti shomylý kezinde qaýipsizdik talaptaryn qatań saqtaý kerektigin turǵyndar esine salady», dep habarlady vedomstvodan.
Qazirgi kezde óńirde kún qatty ystyq bolyp tur. 11 shilde kúni temperatýra tili 40 gradýsqa jaqyndady. Aldaǵy úsh kúnde de ystyq qaıtpaıdy. Osyǵan baılanysty oblysta tótenshe jaǵdaılardy boldyrmaý maqsatynda eskertý jarııalandy.
Eske sala keteıik, budan buryn Oralda úshinshi qabat terezesinen qulap ketken 5 jasar balanyń aýrýhanaǵa jatqyzylǵanyn jazǵan bolatynbyz.