Oralda alımentten jaltarǵan er adam bás tigýge 4 mln teńge jumsaǵan
ASTANA. KAZINFORM — Batys Qazaqstan oblysynda alıment tóleýden jaltarǵan boryshker bás tigýge shamamen 4 mln teńge jumsaǵan. Bul týraly oblystyq prokýratýra habarlady.
Prokýratýranyń málimetinshe, azamat «A» 2024 jyldan beri balasyn asyraýǵa alıment tólemegen. Sonyń saldarynan onyń 2,6 mln teńge kóleminde bereshegi jınalǵan. Alaıda boryshker osy kezeńde bás tigýge shamamen 4 mln teńge jumsaǵan.
Osyǵan baılanysty oǵan qatysty Qazaqstan Respýblıkasy Qylmystyq kodeksiniń 139-baby («Alıment tóleý jónindegi mindetterdi oryndaýdan jaltarý») boıynsha qylmystyq is tirkeldi.
Tergeý barysynda boryshker 2,6 mln teńge kólemindegi alıment bereshegin tolyq ótegen.
Jalpy, 2026 jyldyń basynan beri Batys Qazaqstan oblysynda alıment tóleýden jaltarǵan 13 boryshker qylmystyq jaýaptylyqqa tartylǵan.
Prokýrorlardyń qabyldaǵan sharalarynyń nátıjesinde bıyl 600-den astam balanyń paıdasyna 250 mln teńgeden astam alıment óndirilgen.
Sonymen qatar, sot oryndaýshylary tarapynan jiberiletin zań buzýshylyqtarǵa jedel den qoıý úshin oblysta tamyz aıynan bastap Call-ortalyq jumys istep keledi. Oǵan 8 708 024 89 30 nómiri arqyly habarlasýǵa bolady.
Eske salaıyq, munyń aldynda jumyssyz adam da alıment tóleýge mindetti ekenin jazǵanbyz.
