Oralda alıment tólemegen onnan astam adam qamaýǵa alyndy

ORAL. QazAqparat  -  Oral qalasynda jyl basynan beri alıment tólemegen otyzdan astam adam jaýapqa tartyldy, dep habarlaıdy «QazAqparat» tilshisi.

Batys Qazaqstan oblystyq sotynyń baspasóz qyzmetinen túsken málimetke qaraǵanda, Oral qalasynyń mamandandyrylǵan ákimshilik soty alımentti óndirý týraly sot aktisin oryndamaǵan 31 adamdy ákimshilik jaýapkershilikke tartty.

Іs barysyn qaraý kezinde anyqtalǵanyndaı, sot oryndaýshylary boryshkerlerge qaryzdaryn óteý týraly habarlamalar joldaǵanymen, eshqandaı shara alynbaǵan.

Sot otyrysynda quqyq buzýshylar negizinen bolǵan mán-jaıdy rastap, kinálaryn tolyq moıyndaǵan.

Nátıjesinde, QR Ákimshilik quqyqbuzýshylyq kodeksi 669-babyna sáıkes 12 adam ákimshilik qamaýǵa alynsa, 19-yna aıyppul salyndy.