Oralda alǵashqy veloturaq paıda boldy
ASTANA. QazAqparat - Oral qalasy ákimdiginiń aldyna velosıpedterge arnalǵan alǵashqy turaq ornatyldy, dep habarlaıdy QazAqparat «Moı gorod» portalyna silteme jasap.
«Bul alǵashqy synama túrinde qoıylǵan veloturaq. Ekinshisi oblystyq ákimdik janynan ashylady. Biraq, eń aldymen mundaı turaqtardyń qajet ekenine kóz jetkizgimiz keledi. Usynys turǵyndardyń ózinen tústi jáne biz olarǵa jaǵdaı jasaýdy uıǵardyq. Eger suranys kóbeıse, aldaǵy ýaqytta halyq kóp jınalatyn oryndarda, saýda ortalyqtarynda mekeme ıeleriniń óz qarajatyna veloturaq ashatyn bolamyz», - dedi Oral ákiminiń orynbasary Altynbek Qaısaǵalıev.
Alǵashqy eki veloturaqty jeke kásipker ashqan.
