Oralda alaıaq 81 jastaǵy zeınetkerdiń 23 myń dollaryn úptep ketti
ORAL. QazAqparat - Oral qalalyq ishki ister basqarmasynyń jedel tergeý toby kezekti alaıaqty qolǵa túsirdi, dep habarlaıdy «QazAqparat» HAA tilshisi.
BQO ishki ister departamentiniń baspasóz qyzmetinen túsken málimetke qaraǵanda, atalǵan alaıaq 81 jastaǵy áıeldiń senimine kirip, úı alyp berýge járdemdesemin degen syltaýmen 23 myń AQSh dollaryn jymqyryp ketken. Sonyń saldarynan zeınetkerge 7 mln. 613 myń teńge shyǵyn keltirilgen.
Tergeý barysynda 33 jastaǵy kúdikti óz kinásin moıyndady.
Qazirgi kezde QR QK 190-baby 4-bólimine sáıkes tergeý amaldary júrgizilýde.
Aıta keteıik, bıyl jyl basynan bergi eki aıda oblys kóleminde 172 alaıaqtyq deregi tirkelgen.
