Oralda alańda at tepken 5 jasar bala aýrýhanaǵa jatqyzyldy

ORAL. KAZINFORM — Oral qalasyndaǵy tuńǵysh Prezıdent alańynda 5 jasar balany at teýip, jaraqattady.

BQO polıtsııa departamentiniń baspasóz qyzmetinen málim etkenindeı, oqıǵa 27 shilde kúni shamamen saǵat 19.00-de boldy.

«Oqıǵa saldarynan 2019 jylǵy bala oblystyq kópbeıindi balalar aýrýhanasynyń jaraqat pýnktine jetkizildi. Jylqy ıesine QR Ákimshilik quqyqbuzýshylyq kodeksiniń 407-2-babyna sáıkes ákimshilik hattama toltyrylyp, 10 AEK kóleminde 36 920 teńge aıyppul salyndy», - dep habarlady vedomstvodan.

BQO densaýlyq saqtaý basqarmasy baspasóz qyzmetiniń naqtylaýynsha, bala travmatologııa bólimshesine jatqyzyldy. Jaǵdaıy ortasha aýyr, qajetti em alyp jatyr. 

Bul – Batys Qazaqstan oblysynda bolyp otyrǵan birinshi oqıǵa emes.

Eske sala keteıik, budan buryn Batys Qazaqstanda 2 jasar balany jylqy teýip óltirgenin jazǵan edik.