Oralda «Aqjaıyq» stadıony 1 shildeden bastap jabylady
ORAL. QazAqparat - Oral qalasyndaǵy «Aqjaıyq» stadıonynyń jasandy tósenishi aýystyrylady, dep habarlaıdy QazAqparat tilshisi.
«Aqjaıyq» fýtbol klýbynyń baspasóz qyzmetinen túsken málimetke qaraǵanda, atalmysh stadıon bıylǵy sáýir aıynda senimgerlik quqyǵymen «BANEM» kompanııasyna berilgen edi. Maýsymnan bastap kompanııa «Aqjaıyqtyń» bas demeýshisi.
Demeýshi tozyǵy jetken tósenishti jańasyna aýystyrý úshin mamyr aıynda jeke kompanııanymen kelisim jasasqan.
Búginde «Aqjaıyq» stadıonynyń tósenishin aýystyrýǵa qajetti barlyq qujattar retteldi. 1 shildede stadıon jóndeý jumystaryna baılanysty jabylady. Alańǵa sońǵy úlgidegi jasandy gazon tóseledi. Sondaı-aq káriz júıesi aýystyrylyp, sýarý júıesi jóndeledi.
Qazirgi kezde «Aqjaıyq» komandasy birinshi lıgada 16 upaımen altynshy orynda keledi. 23 maýsym kúni ótetin týrda oraldyqtar 19 upaımen úshinshi orynda kele jatqan «Akademııa Ońtústik» komandasyn qabyldaıdy.
«Aqjaıyq» stadıony fýtbol matchtaryna jaramsyz bolǵandyqtan, sondaı-aq P.Atoıan atyndaǵy stadıon qalypqa kelip úlgermeıtindikten, batysqazaqstandyq klýb ótken jyldan beri maýsym basyndaǵy oıyndaryn Aqsaı qalasynda ótkizip keledi.
