Oralda aqtóbelik bloger 7-qabattan sekirip ketti

ORAL. QazAqparat - Oralda aqtóbelik bloger Murat Birmaǵambetov jetinshi qabattan sekirip ketti, dep habarlaıdy QazAqparat tilshisi.

BQO polıtsııa departamenti baspasóz qyzmetinen túsken málimetke qaraǵanda, oqıǵa 27 qarasha kúni «Jeńis» shaǵynaýdanynda boldy.

«Saǵat 10.40-ta 7-úıdiń janynan 1984 jylǵy er adamnyń múrdesi tabyldy. Ol jetinshi qabat balkonynan sekirip, ózine-ózi qol jumsaǵan. Oqıǵa ornynan marqumnyń ózi jazyp ketken jazba tabyldy. Qazirgi kezde QR QK 105-babyna (ózin-ózi óltirýge deıin jetkizý) sáıkes sotqa deıingi tergeý amaldary júrgizilýde», dep habarlady vedomstvodan.

Áleýmettik jeliden málim bolǵanyndaı, bloger ári vaıner, Aqtóbe KVN quramasynyń burynǵy kapıtany bolǵan Murat Birmaǵambetov 19 qarasha kúni joǵalyp ketken edi. Soǵan baılanysty izdeý salynǵan bolatyn.

Qazirgi kezde oqıǵanyń jaı-japsary anyqtalý ústinde.