Oralda aqsha bopsalaǵan turǵyn qolǵa tústi
ORAL. QazAqparat - Oralda aqsha bopsalaǵan turǵyn qolǵa túsip, tergeý júrgizilýde, dep habarlaıdy QazAqparat tilshisi.
Oblystyq ishki ister departamenti uıymdasqan qylmyspen kúres basqarmasynyń qyzmetkerleri QR UQK BQO boıynsha departamentimen birlesip, 1984 jylǵy K. degen azamatty quryqtady.
BQO ІІD baspasóz qyzmetinen túsken málimetke qaraǵanda, ol Oral qalasynyń turǵynynan 200 myń teńge bopsalaǵan.
Qazirgi kezde Abaı polıtsııa bólimi atalǵan derek boıynsha QR QK 194-baby 2-bóligine (qorqytyp alý) sáıkes sotqa deıingi tergeý amaldaryn júrgizýde.
Aıta keteıik, mundaı qylmysqa barǵan adam múlki tárkilenip, úsh jyldan jeti jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.
