Oralda ákesi qyzyn qutqaram dep ekeýi de sýǵa ketti
ORAL. QazAqparat - Oralda ákesi qyzyn qutqaram dep ekeýi de sýǵa ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa búgin Oralda Orda kóshesi mańynda Jaıyq ózeninde boldy.
Saǵat 15.43-te 1973 jylǵy er adam on jasar qyzyn qutqaram dep sýǵa ketken. Onyń denesin saǵat 17.10-da jedel qutqarý jasaǵynyń izdeý toby sýdan shyǵardy.
Qyzy shomylýǵa jabdyqtalmaǵan jerden túsip, sýǵa ketken. Onyń denesin kýágerler shyǵaryp alǵan.
Oblysta osymen jyl basynan beri 14 adam sýǵa ketse, sonyń altaýy balalar bolyp otyr.
BQO TJ departamenti ruqsat etilgen jáne jaǵajaılarda ǵana sýǵa shomylýǵa bolatynyn turǵyndar esine salady.
Ruqsat etilmegen, sondaı-aq, eskertýleri bar belgilerden asyp júzýge, kún kózine qatty qyzdyrynyp, sýǵa sekirýge bolmaıdy. Mas kúıde de shomylýǵa bolmaıdy.
Eske sala keteıik, budan buryn Batys Qazaqstanda segiz jasar balanyń sýǵa ketkenin, Oralda turǵyn úı órtenip, úsh adamnyń aýrýhanaǵa túskenin jazǵan bolatynbyz.
