Oralda akademık R.Eleshevtiń mereıtoıy atalyp ótildi
ORAL. 26 qazan. QazAqparat - Jáńgir han atyndaǵy Batys Qazaqstan agrarlyq-tehnıkalyq ýnıversıtetinde kórnekti ǵalym, aýyl sharýashylyǵy ǵylymynyń doktory, professor, QR UǴA, Reseı Aýyl sharýashylyǵy ǵylymdary akademııasynyń, Halyqaralyq agrarlyq bilimder akademııasynyń akademıgi, Qazaqstannyń eńbek sińirgen qaıratkeri,
Qazaq ulttyq agrarlyq ýnıversıteti janyndaǵy agrohımııa jáne ekologııa ǵylymı-zertteý ınstıtýtynyń dırektory, ýnıversıtettiń agrohımııa jáne topyraqtaný kafedrasynyń meńgerýshisi Rahymjan Eleshevtiń 75 jyldyǵyna arnalǵan «Topyraq qunarlylyǵyn saqtaýdyń basymdy baǵyttary» taqyrybynda ǵylymı-praktıkalyq konferentsııa ótti.
Konferentsııa bastalmas buryn qatysýshylar nazaryna ǵalymnyń ómiri men ǵylymı-pedagogıkalyq qyzmeti týraly derekti fılm usynyldy.
Mereıli sharaǵa qatysqan oblys ákiminiń orynbasary Baqtııar Máken quttyqtaý sóz sóılep, Rahymjan Eleshulynyń ıyǵyna qazaqy dástúrmen shapan japty.
Ýnıversıtet rektory Qazybaı Bozymov akademık R.Eleshevtiń Qazaqstan Respýblıkasy agrohımııa ǵylymynyń damýyndaǵy róli týraly kólemdi baıandama jasap, mártebeli meımanǵa joǵary oqý ornynyń 50 jyldyq torqaly toıyna arnalǵan merekelik medal men baǵaly syılyqty tartý etti.
Kelesi kezekte minberge kóterilgen ǵylymı jumystar jónindegi prorektor Nurlan Serǵalıev, ýnıversıtet professory, aýyl sharýashylyǵy ǵylymdarynyń doktory, QR UǴA múshe-korrespondenti, ǵalymnyń shákirti Beıbit Násıev, ǵalymdar Sáýle Rahymǵalıeva men Bolatqalı Tólebaev, «Topyraqtaný jáne agrohımııa» mamandyǵynyń magıstranty Nazgúl Qabdyǵalıevalar oblys aýmaǵynda topyraq qunarlylyǵyn arttyrý máselelerine arnalǵan baıandamalaryn jasady.
Shara sońynda mereıtoı ıesi Rahymjan Eleshev ózine kórsetilgen syı-qurmet pen ystyq yqylasqa rızashylyǵyn bildirip, konferentsııany uıymdastyrǵan ýnıversıtet basshylyǵyna alǵys aıtty.
Ýnıversıtettiń ǵylymı kitaphanasynyń qyzmetkerleri jasaqtaǵan ǵalymnyń eńbekteri men kitaptary, merzimdi baspasóz betterinde jarııalanǵan pýblıtsıstıkalyq maqalalary toptastyrylǵan «Ǵylym kókjıegindegi dara tulǵa» atty kórme shara qatysýshylarynyń kóńilinen shyqty.
