Oralda aǵaıyndy jigitter Jaıyq ózenine batyp ketti
BQO TJ departamentiniń baspasóz qyzmetinen málim etkenindeı, oqıǵa 8 shilde kúni qalaǵa qarasty Melovye gorkı kenti aýmaǵynda boldy.
«Saǵat 17.35-te eki adamnyń jabdyqtalmaǵan jerden Jaıyq ózenine batyp ketkeni jóninde habar tústi. Jedel qutqarý jasaǵynyń kúshimen izdestirý jumystary barysynda 1991 jáne 2003 jylǵy aǵaıyndy jigitterdiń denesi sýdan shyǵaryldy. BQO TJ departamenti sýǵa shomylý kezinde qaýipsizdik talaptaryn saqtaý qajettigin eske salady», dep habarlady vedomstvodan.
Departamentten túsken málimetke qaraǵanda, bıyl osyǵan deıin 5 adam sýǵa ketken bolatyn. Ótken jyly osy merzimde 12 adam sýǵa ketse, sonyń tórteýi balalar edi.
Eske sala keteıik, budan buryn BQO-da kólde aǵyp ketken 8 jasar balanyń úsh kúnnen keıin tabylǵanyn jazǵan bolatynbyz.