Oralda aǵaıyndy eki jasóspirim sýǵa ketip qala jazdady

ORAL. QazAqparat – Oralda aǵaıyndy eki jasóspirim sýǵa ketip qala jazdady, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, oqıǵa 7 maýsym kúni keshkisin qalalyq mádenıet jáne demalys saıabaǵy aýmaǵynda boldy.

«Saǵat 20.50-de jaıaý júrginshiler kópiriniń astynda 11 jasar bala baıqaýsyzda Shaǵan ózenine qulap ketken. Ony qutqaramyn dep 16 jastaǵy aǵasy sýǵa sekirgen. Sol kezde olardyń anasy aıqaılap, kómekke shaqyrǵan. Ózen boıymen patrýldeýde júrgen eki qutqarýshy qaıyqpen jedel jetip, jasóspirimderdi qutqaryp qaldy», dep habarlady vedomstvodan.

Ótken jyly oblysta 15 adam sýǵa batyp ketse, sonyń altaýy – balalar.

Eske sala keteıik, budan buryn Batys Qazaqstanda sý aıdyndarynda 24 jaǵajaıdyń jumys isteıtinin jazǵan edik.