Oralda aǵashtan qulap ketken 11 jasar bala jansaqtaý bóliminde jatyr
Instagram áleýmettik jelisinde jarııalanǵan jazbadan málim bolǵanyndaı, oqıǵa I.Ların kóshesi 10-mekenjaıynda boldy.
Bala dopty alamyn dep, tórtinshi qabattyń bıiktigindeı aǵashqa shyǵyp, qulap ketken. Munyń barlyǵy balalardyń kóz aldynda boldy.
BQO densaýlyq saqtaý basqarmasy baspasóz qyzmetiniń naqtylaýynsha, 11 jasar bala qalalyq kópbeıindi aýrýhanaǵa 18 maýsym kúni saǵat 21.36-da túsken.
«Balany neırohırýrg, travmatolog, hırýrg, reanımatolog qarady. Bas súıegi, moıyn omyrtqasy, keýde tusy, ish qurylysy organdary rentgenge túsirildi. Reanımatologpen birge saǵat 22.50-de oblystyq kópbeıindi balalar aýrýhanasyna jetkizildi. Qazirgi kezde jansaqtaý bóliminde jatqan balanyń jaǵdaıy aýyr», dep habarlady vedomstvodan.
Eske sala keteıik, budan buryn Batys Qazaqstanda jol apatynan 7 jasar qyzdyń qaza tapqanyn jazǵan bolatynbyz.