Oralda ádilet salasynyń úzdikteri marapattaldy
ORAL. QazAqparat - Keshe Oralda ádilet salasynyń qyzmetkerleri tól merekelerin atap ótti.
Saltanatty jıynda oblys ákiminiń orynbasary Baqtııar Máken sala qyzmetkerleriniń QR Konstıtýtsııasy negizinde zań shyǵarýshylyq isiniń Elbasy saıasatyna sáıkes alǵa basýyna óz úlesterin qosyp kele jatqandyǵyn atap ótti. Qoǵamnyń damýy men memlekettiń nyǵaıýy jolynda zańgerler árkez aıanbaı eńbek etýde.
Óńir basshylyǵy atynan sala úzdikterine alǵyshattar tabys etildi. Sonymen qatar taǵy bir top qyzmetker «Qazaqstan Konstıtýtsııasyna 20 jyl» merekelik medalimen marapattaldy.
Saltanatta sóz alǵan oblystyq ádilet departamentiniń basshysy Ásııa Muhıtova ádilet organdarynyń qurylý tarıhyna toqtaldy. Onyń aıtýynsha, 1919 jylǵy 30 qyrkúıekte Qazaq ólkesin basqarý jónindegi áskerı-revolıýtsııalyq komıtetiniń qaýlysymen ádilet organy qurylǵan. Keıin ol ádilet halyq komıssarıaty, Qazaq KSR Ádilet mınıstrligi bolyp qaıta quryldy. Elbasy Jarlyǵymen 30 qyrkúıek - Ádilet organdary qyzmetkerleriniń kúni bolyp bekitilip, ol úsh jyldan beri toılanyp keledi.
Shara sońynda ádilet salasynyń jas qyzmetkerleri saltanatty túrde ant berdi.
