Oralda adam óltirgen 33 jastaǵy kúdikti qolǵa tústi

ORAL. QazAqparat – Oralda adam óltirgen 33 jastaǵy kúdikti qolǵa tústi, dep habarlaıdy QazAqparat tilshisi.

QazAqparat budan buryn jazǵandaı , Oralda kisi óltirgen kúdikti izdestirilgen bolatyn.

2 qyrkúıek kúni saǵat 23.45-te belgisiz bireý 32 jastaǵy er adamǵa pyshaq suǵyp, sonyń saldarynan jábirlenýshi jedel járdem kelgenge deıin kóz jumǵan edi.

«Polıtsııa qyzmetkerleri tergeý is-qımyldary barysynda 1988 jylǵy kúdiktini anyqtap, ustady. Er adam aıybyn tolyqtaı moıyndady. Qazirgi kezde ol ýaqytsha ustaý ızolıatorynda otyr. Osy oqıǵa boıynsha QR QK 99-baby 1-bóligine (kisi óltirý) sáıkes sotqa deıingi tergeý amaldary júrgizilýde», dep habarlady BQO polıtsııa departamentiniń baspasóz qyzmeti.