Oralda 9 jastaǵy balany sheshindirgen: Oqıǵaǵa qatysty tergeý júrgizilip jatyr

Oralda 9 jastaǵy balany sheshindirý deregi boıynsha tergeý amaldary júrgizilip jatyr, dep habarlaıdy Kazinform. 

Instagram áleýmettik jelisinen málim bolǵanyndaı, «NeMolchıKZ» qoǵamdyq qoryna 6 jeltoqsan kúni balanyń anasynan shaǵym túsken. Onyń sózine qaraǵanda, oqıǵa 9 qarasha kúni bolǵan. Saǵat 17.00-de úıdiń aýlasynda balasyna tıisken.

«Men eki balany jalǵyz tárbıelep otyrmyn. Úıdiń aýlasynda bir aı buryn ulymdy sheshindirgen, qylǵyndyryp, qorqytqan. Sol kezde men shyǵyp qalyp, tıisken adamdy polıtsııaǵa tapsyrdym. Kámeletke tolmaǵandy azǵyndyqqa ıtermeleý týraly is qozǵaldy. Balam toǵyz jasta, osyndaı sumdyqty bastan keshirdi. Tergeý bir orynda tur. Bapty buzaqylyqqa ózgertti», - dep jazdy balanyń anasy.

BQO polıtsııa departamenti tergeý basqarmasynyń bastyǵy Álibek Salyqovtyń naqtylaýynsha, 16 jastaǵy kúdikti jasóspirimge qatysty zańsyz is-áreketke barǵan.

«Atalǵan derek boıynsha sotqa deıingi tergeý amaldary júrgizilip jatyr. Tergeý barysy baqylaýǵa alyndy», - dedi Á.Salyqov.

Eske sala keteıik, budan buryn mekteptegi býllıngke baılanysty Oralda birneshe pedagog pen ata-analar jaýapqa tartylǵanyn jazǵan bolatynbyz.