Oralda 9 jasar balanyń ólimine baılanysty qylmystyq is qozǵaldy
ORAL. QazAqparat – Oralda 9 jasar balanyń ólimine baılanysty qylmystyq is qozǵaldy, dep habarlaıdy QazAqparat tilshisi.
Budan buryn habarlaǵanymyzdaı, Oralda 9 jasar bala joǵalyp ketip, keıin salynyp jatqan turǵyn úı aýmaǵynan denesi tabylǵan bolatyn.
BQO polıtsııa departamentiniń resmı ókili Bolatbek Belgibekovtiń málim etkenindeı, saraptama qorytyndysyna sáıkes balanyń bıik jerden qulap ketkeni anyqtaldy.
Soǵan baılanysty turǵyn úıdi salyp jatqan «Bolashaq-T» JShS qurylys kompanııasyna qatysty QR QK 279-baby 1-bólimine (abaısyzda adam ólimine nemese ózge de aýyr zardaptarǵa ákep soqqan sáýlet, qala qurylysy jáne qurylys qyzmeti salasyndaǵy qaǵıdalardy nemese normatıvterdiń talaptaryn buzý) sáıkes qylmystyq is qozǵaldy.
Qazirgi kezde tergeý amaldary júrgizilýde.
