Oralda 85 jastaǵy keıýana men onyń múgedek ulyn óltirgenderge sot úkimi shyqty
ORAL. QazAqparat – BQO qylmystyq ister jónindegi mamandandyrylǵan aýdanaralyq sotynda 85 jastaǵy keıýana men onyń múgedek ulyn óltirgenderge úkim shyqty, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, 28 jastaǵy Andreı Tıýklın 23, 27 jastaǵy Mıhaıl Zımnýhov 21 jylǵa bas bostandyǵynan aıyryldy.
Sondaı-aq urlyq jasaǵany úshin 29 jastaǵy Áset Qıbashev 4 jylǵa bas bostandyǵynan aıyryldy.
Sot úkimi zańdy kúshine engen joq.
Eske sala keteıik, budan buryn Oralda jeke úıden eki adamnyń múrdesi tabylǵanyn, keıýana men onyń múgedek ulyn óltirgen kúdiktilerdiń ustalǵanyn jazǵan bolatynbyz.
Onda 1935 jylǵy Matrena Kýlakova men onyń 1959 jylǵy uly, sal aýrýyna shaldyqqan Konstantın Kýlakovty óltirgenderdiń qalaı qolǵa túskeni aıtylǵan edi.
