Oralda 82 jastaǵy keıýana úshinshi qabattyń terezesinen qulap ketti
ORAL. QazAqparat - Oralda 82 jastaǵy keıýana úshinshi qabattyń terezesinen qulap ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 4 shilde kúni saǵat 21.36-da V.Korolenko kóshesi, 32 mekenjaıynda bolǵan.
1938 jylǵy keıýana baıqaýsyzda 3-qabat terezesinen kireberistiń tóbesine qulaǵan.
Qutqarýshylar ony jerge túsirip aldy.
Aldyn ala málimet boıynsha, jabyq mı jaraqatyn alyp, mıy shaıqalǵan zeınetker aýrýhanaǵa jatqyzyldy.
Eske sala keteıik, budan buryn Oralda eki jasar qyz balanyń terezeden qulap ketkenin jazǵan bolatynbyz.
