Oralda 803 stýdent MÁMS júıesine qosylmaı qalǵan
ORAL. KAZINFORM – Oral qalasynyń prokýratýrasy tehnıkalyq jáne kásiptik bilim berý uıymdarynda mindetti áleýmettik medıtsınalyq saqtandyrý salasyndaǵy zańnamanyń saqtalýyna taldaý júrgizdi.
Tekserý barysynda birqatar oqý oryndarynda kúndizgi bólimde oqıtyn stýdentter týraly málimetterdiń Ulttyq bilim berý derekter bazasyna ýaqytyly ári tolyq engizilmegeni anyqtalǵan.
Sonyń saldarynan jarnalary memleket esebinen tólenýge tıis 803 stýdent Mindetti áleýmettik medıtsınalyq saqtandyrý júıesine engizilmegen.
Oral qalasynyń prokýratýrasy prokýrorlyq qadaǵalaý aktisi negizinde anyqtalǵan zańbuzýshylyqtardy joıý boıynsha shara qabyldady.
Nátıjesinde bilim berý uıymdary stýdentter týraly tolyq ári naqty málimetterdi derekter bazasyna engizgen.
- Osylaısha 803 stýdenttiń mindetti áleýmettik medıtsınalyq saqtandyrý aıasyndaǵy medıtsınalyq qyzmetterge qol jetkizý quqyǵy qalpyna keltirildi, - delingen aqparatta.
Prokýratýra azamattardyń áleýmettik quqyqtaryn qorǵaý jáne zańdylyqty qamtamasyz etý jumystary jalǵasatynyn málimdedi.
Aıta keteıik, jyl basynan MÁMS júıesine qosylǵan adamdar sany kúrt artty.
