Oralda 80-nen astam volonter 15 myń maska tigip, tegin taratpaqshy

ORAL. QazAqparat – Oralda eriktiler birneshe ret qoldanylatyn 15 myń betperde tikpekshi, dep habarlaıdy QazAqparat tilshisi.
None
None

Oral qalalyq jastar resýrstyq ortalyǵy jastar bastamalaryn qoldaý bóliminiń basshysy Dýlat Júsipqalıevtiń aıtýynsha, bul jumysqa 80-nen astam erikti tartylǵan.

Betperdeler áleýmettik jaǵynan az qamtylǵan toptarǵa taratylady. Bul iske oraldyq kásipker, «Stroıkombınat» JShS dırektory Baqytjan Nurbaev, BQO QHA eriktileri qoldaý bildirdi.

Eriktiler arasynda sondaı-aq kópbalaly analar bar.

«Qazirgideı el basyna syn saǵaty týyp turǵan mezgilde bizder volonterlikpen dendep aınalysýdamyz. Sonyń ishinde osy kezge deıin myńǵa jýyq maska tigip, «Shańyraq» jasóspirimder úıine, blokposttarda, ashanalarda jumys jasap jatqandarǵa, kóp balaly otbasylar, múgedekter men zeınetkerlerge, jalpy, muqtaj adamdarǵa tarattyq. Kúni búgin alty kópbalaly ana qala ákimdiginen 16 metr mata alyp, betperde tigýdemiz. Bul jumysty da aldaǵy beısenbide bitiremiz dep oılaımyz. Osylaısha koronavırýs sekildi asa qaýipti indetpen kúreske qoldan kelgenshe úles qosýdamyz», - dedi QazAqparat tilshisine kópbalaly analardyń basyn qosyp otyrǵan «Tuǵyrym» qoǵamdyq birlestiginiń tóraıymy Aınur Arystanova.

Eske sala keteıik, budan buryn Oralda kesh ótkizgen blogerdiń 10 táýlikke qamalǵanyn, BQO blokpostynda esirtkige eltigen júrgizýshiniń ustalǵanyn jazǵan bolatynbyz.



Сейчас читают