Oralda 8 jasar balanyń ólimine baılanysty tergeý júrgizilip jatyr

ORAL. KAZINFORM — Oral qalasynda denesin túgelge jýyq kúıik shalǵan balanyń ólimine baılanysty BQO polıtsııa departamentiniń baspasóz qyzmeti qosymsha aqparat berdi.

Departament málimetine qaraǵanda, sotqa deıingi tergeý amaldary júrgizilip jatyr.

- Qazirgi kezde qajetti saraptamalar taǵaıyndaldy. Oqıǵanyń mán-jaıyn tolyq anyqtaý maqsatynda protsessýaldyq is-sharalar atqarylýda. Tergeý qorytyndysyna sáıkes qoldanystaǵy zańnamaǵa sáıkes sheshim qabyldanatyn bolady, - dep habarlady vedomstvodan. 

Eske sala keteıik, budan buryn Oralda denesiniń kóp bóligin kúıik shalǵan 8 jasar balanyń kóz jumǵanyn jazǵan edik. 

Oqıǵa 10 tamyz kúni oryn aldy. Denesin 95 paıyz kúıik shalǵan bala 17 tamyz kúni qaıtys boldy.