Oralda 764 mln teńgege 17 sport alańyn salý kózdelýde
ORAL. QazAqparat - Oblys ákimi Altaı Kólginov Oral qalasynda júrgizilip jatqan qurylys jumystarynyń barysymen tanysty, dep habarlaıdy «QazAqparat» tilshisi.
Bıyl oblys ortalyǵynda jol qurylysyna 8,1 mlrd teńge bólingeni belgili. Osy qarjyǵa jalpy uzyndyǵy 74 shaqyrym bolatyn 67 kóshege qatqyl tabandy jol tóselýde. Soǵan baılanysty birqatar kósheler jabylyp, qurylys jumystary júrgizilýde. Bul jol qozǵalysyna qıyndyq týdyrýda.
Sol sekildi Oralda 507 mln teńgege 20 aýla aýmaǵy abattandyrylýda. Oǵan qosa eki tynymbaqty qaıta jańǵyrtýǵa 166 mln teńge qaralǵan. Sonymen qatar sport alańdarynyń qurylysy da bastalyp ketti. Shahar boıynsha jalpy quny 764 mln. teńge bolatyn 17 sport alańyn iske qosý kózdelýde.
Qurylys nysandarynda bolǵan Altaı Kólginov oblys ákiminiń orynbasary Baǵdat Azbaev pen qala basshysy Murat Muqaevqa birqatar eskertý jasap, qolǵa alynǵan jumystardyń ýaqtyly aıaqtalýyn tapsyrdy.
