Oralda 7 jasar bala káriz qudyǵyna túsip ketti
ORAL. QazAqparat - Oralda káriz qudyǵyna qulap ketken jeti jasar bala aman qaldy, dep habarlaıdy QazAqparat tilshisi.
Oral qalalyq ishki ister basqarmasy jergilikti polıtsııa qyzmetiniń aǵa ınspektory, polıtsııa maıory Dınara Ábdilqalyqovanyń aıtýynsha, oqıǵa keshe «Jańa Orda» shaǵyn aýdanynda saǵat 12-00-der shamasynda boldy. Mektepten qaıtyp kele jatqan daıarlyq synybynda oqıtyn bala qaqpaqtyń shetin basqanda, ol ashylyp ketip, ishine qulaǵan.
Abyroı bolǵanda, onyń aıqaıyn estigen 1995 jylǵy jigit kómekke umtylǵan. Oǵan basqa júrginshiler de qosylyp, bári balany qutqaryp qalǵan. Sol kúni ulyn alýǵa bara qoımaǵan anasy da oqıǵa ornyna jetken. Mıy shaıqalǵan balanyń denesinde kógergen jerleri bar.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń sózine qaraǵanda, jabyq bas-mı jaraqatyn alǵan 2011 jylǵy bala oblystyq klınıkalyq aýrýhanaǵa jetkizilgen.
