Oralda 68 jastaǵy er adamnyń múrdesi tabyldy

ORAL. QazAqparat – Oralda 68 jastaǵy er adamnyń múrdesi tabyldy, dep habarlaıdy QazAqparat tilshisi.

BQO polıtsııa departamentiniń baspasóz qyzmeti málim etkenindeı, oqıǵa 11 qyrkúıek kúni tańmen Ábilqaıyr han dańǵyly boıynda oryn aldy.

Saǵat 09.13-te er adamnyń denesi tabylǵany jóninde habar túsken.

Polıtsııa qyzmetkerleri onyń 1953 jylǵy turǵyn ekendigin anyqtady.

Marqumnyń denesinde zorlyq-zombylyq belgileri joq. Sot-medıtsınalyq saraptamalar taǵaıyndaldy.

Qazirgi kezde oqıǵanyń jaı-japsary anyqtalý ústinde.

Eske sala keteıik, budan buryn Batys Qazaqstanda avtokólik aýdarylyp, eki adamnyń kóz jumǵanyn, Oralda tóbeles bolyp, jas jigittiń denesi tabylǵanyn jazǵan edik.