Oralda 67 jastaǵy zeınetker áıeldi óltirgen kúdikti kórshisi bolyp shyqty

ORAL. KAZINFORM — Oral qalasynda jeke úılerdiń birinde zorlyqpen óltirilgen 1957 jylǵy áıeldiń múrdesi tabyldy.

BQO Polıtsııa departamentiniń baspasóz qyzmetinen málim etkenindeı, 31 shilde kúni bolǵan oqıǵa ornyna jedel tergeý toby jáne basqa qyzmetkerler dereý jiberildi.

«Oqıǵa ornyn muqııat qaraǵan kezde bólmelerdiń birinen krımınalıster aıǵaq zattar tapty. Krımınalıstik esepter boıynsha tekserý barysynda bul zattar Oral qalasynyń 28 jastaǵy turǵynynyń derekterimen sáıkes keldi. Ol marqummen kórshi turǵan. Sondaı-aq oqıǵa ornynan basqa da zattaı aıǵaqtar alyndy. Kúdikti qolǵa túsip, ýaqytsha ustaý ızolıatoryna qamaldy. Kisi óltirý deregi boıynsha qylmystyq is qozǵalyp, saraptamalar taǵaıyndaldy. Tergeý amaldary júrgizilip jatyr», - dep habarlady vedomstvodan.

Eske sala keteıik, budan buryn BQO-da joǵalyp ketken 21 jastaǵy stýdentti óltirgen kúdiktiniń ustalǵanyn jazǵan edik.