Oralda 60 jastaǵy er adam jetinshi qabattan qulap, kóz jumdy

ORAL. QazAqparat – Oralda 60 jastaǵy er adam jetinshi qabattan qulap, kóz jumdy, dep habarlaıdy QazAqparat tilshisi.

Oblystyq densaýlyq saqtaý basqarmasynyń baspasóz qyzmeti málim etkenindeı, oqıǵa búgin I.Ların kóshesindegi kópqabatty úıde túske taman boldy.

Jedel járdem jergilikti saǵat 12.30-da shaqyrtyldy. Alaıda 1961 jylǵy er adam aýyr jaraqattan jedel járdem kelgenge deıin jan tapsyrdy. Qazirgi kezde oqıǵanyń jaı-japsary anyqtalyp jatyr.

Eske sala keteıik, budan buryn Oralda jol apatynda 5 adam zardap shekkenin jazǵan bolatynbyz. Bul oqıǵa saldarynan jaraqat alǵan 13 jastaǵy qyz bala keıin oblystyq kópbeıindi balalar aýrýhanasyna jatqyzyldy. Jaǵdaıy ortasha aýyr.