Oralda 6 páterlik turǵyn úı órtenip ketti
BQO TJ departamentiniń baspasóz qyzmeti málim etkenindeı, oqıǵa 17 qazan kúni saǵat 19.10-da Óte Mýsın kóshesi №3-mekenjaıynda boldy.
Barak tıptes alty páterlik aǵash turǵyn úı otqa orandy.
Órttiń aýmaǵy 250 sharshy metrdi qurady.
«Tilsiz jaý» TJ departamentiniń kúshimen (26 qyzmetker, 11 tehnıka) saǵat 21.30-da oqshaýlanyp, 22.46-da sóndirildi.
Sondaı-aq budan bir kún buryn, 16 qazan kúni saǵat 20.30-da Báıterek aýdany Asan aýyly Mırnyı kóshesi 24-mekenjaıda eki qabatty turǵyn úıge japsarlas ornalasqan garaj ben monsha, asúı men jýyný bólmesi jandy. Jalpy aýdany – 140 sharshy metr.
Órt saǵat 21.28-de oqshaýlanyp, 21.48-de sóndirildi.
Eki oqıǵadan da zardap shekkender joq.
Qazirgi kezde órtterdiń shyǵý sebebi, keltirilgen shyǵyn, kináli adamdar anyqtalý ústinde.
Eske sala keteıik, budan buryn Oral qalasy mańynda orman alqaby órtengenin jazǵan bolatynbyz.
