Oralda 59 jastaǵy áıeldi óltirgen kúdikti ustaldy

ORAL. KAZINFORM — Oral qalasynda 59 jastaǵy áıeldi óltirgen kúdikti ustaldy.

BQO polıtsııa departamentiniń resmı ókili, polıtsııa kapıtany Nurjan Qýanǵalıdyń málim etkenindeı, 25 sáýir kúni saǵat 14.50-de Oral qalasy polıtsııa basqarmasynyń kezekshi bólimine óziniń mekenjaıynan 1964 jylǵy áıeldiń máıiti tabylǵany jóninde habar túsken. 

Onyń denesinde zorlyq-zombylyqpen óltirý belgileri bar ekendigi anyqtaldy.

«Kisi óltirý deregi boıynsha qylmystyq is qozǵaldy. Keshendi jedel izdestirý is-sharalary barysynda sol kúni kúdikti anyqtalyp, qylmystyń izi sýymaı qolǵa tústi. Ol Oral qalasynyń buryn sottalǵan turǵyny bolyp shyqty. Qazirgi kezde kúdikti sot sanktsııasymen qamaýǵa alyndy. Tergeý amaldary jalǵasýda. Tergeý múddesine sáıkes ózge aqparat jarııalaýǵa jatpaıdy», — dedi N.Qýanǵalı. 

Eske sala keteıik, budan buryn Oralda óziniń páterinen áıel adamnyń múrdesi tabylǵanyn jazǵan bolatynbyz.