Oralda 57 jasar áıeldi pyshaqtap ketken kúdikti ustaldy
ORAL. QazAqparat - Buǵan deıin habarlanǵanyndaı, Oral qalasynda 13 sáýir kúni 57 jasar Larısa Tokarevany óz páterinde belgisiz bireý pyshaqtap ketken bolatyn, sonyń saldarynan ol oblystyq aýrýhananyń jansaqtaý bóliminde kóz jumǵan edi.
BQO ІІD baspasóz qyzmetinen habarlaýyna, qylmysqa baılanysty birneshe joramal qarastyrylyp, marqumnyń týma-týystarynan, turǵyndardan suraý alyndy. Alǵashqy kúnderdiń ózinde kúdiktiniń kim ekendigi anyqtaldy. Kóp uzamaı Oral qalasynyń esh jerde jumys jasamaıtyn 24 jasar turǵyny ustalyp, kinásin moıyndady. Ol sot qaýlysymen qamaýǵa alyndy.
