Oralda 55 kóshede jol jóndeý jumystary júrgizilýde
ORAL. QazAqparat – Oral qalasynda 9,3 mlrd teńgege uzyndyǵy 61 shaqyrymǵa jetetin 55 kóshede jol jóndeý jumystary júrgizilýde, dep habarlaıdy QazAqparat tilshisi.
Qala ákimi Abat Shynybekovtiń aıtýynsha, sonyń ishinde 31 joba «Jumyspen qamtý – 2020» baǵdarlamasy aıasynda júzege asyrylýda.
Qalǵan 10-y – ótken jyldan beri jalǵasqan jobalar.
Barlyq jobalar boıynsha 1200 jumys orny ashyldy.
Jalpy, qala boıynsha avtomobıl joldarynyń uzyndyǵy 615 shaqyrymdy quraıdy. Sonyń 422 shaqyrymy nemese 68,8 paıyzy – asfaltbetondy jáne qatqyl tabandy joldar. Al 193 km kóshe jolynyń (31,2 paıyz) mundaı jamylǵysy joq.
Ákimniń sózine qaraǵanda, shaharda jol qaýipsizdigin qamtamasyz etý baǵytynda jol belgilerin ornatýǵa da aıryqsha kóńil bólinýde. Aıtalyq, bıylǵy sáýir aıynan kúni búginge deıin 10 baǵdarsham, 12 qosymsha baǵdarsham, 50 jasandy jol kedergisi ornatyldy. 200 jaıaý júrginshi ótkeline termoplastıkalyq jolaq japsyryldy.
«Oblys ortalyǵy aýmaǵyna qalalyq polıtsııanyń operatıvti basqarý ortalyǵyna qosylǵan 97 syrtqy baqylaý kamerasy, sonyń ishinde 82-si «Endýra», 15-i «DX» baǵdarlamasy boıynsha qoıyldy. Budan basqa «Qaýipsiz aýla» júıesi boıynsha ýchaskelik polıtsııa pýnktterine 340 syrtqy baqylaý kamerasy ornatyldy», dedi A.Shynybekov.
