Oralda 53 jastaǵy áıeldi kólik qaǵyp óltirdi
ORAL. QazAqparat – Oralda avtokólik taǵy bir áıel adamdy qaǵyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin túngi saǵat 00.40 shamasynda bolǵan.
1992 jylǵy júrgizýshi áıel «Mersedes Bents-200E» avtokóligimen N.Nazarbaev dańǵylymen kele jatyp, «Saıahat» aıaldamasyna jetpeı, rettelmeıtin jaıaý júrginshi ótkelinen 1966 jyly týǵan A. degen áıeldi qaǵyp ketken.
Áıel jedel járdem kelgenge deıin kóz jumdy.
Medıtsınalyq kýálandyrý qorytyndysyna qaraǵanda, júrgizýshi saý bolǵan. Odan eshqaıda ketpeý týraly qolhat alyndy.
Avtokólik arnaıy turaqqa qoıyldy. Jol-kólik oqıǵasyna baılanysty saraptamalar taǵaıyndaldy.
Qazirgi kezde QR QK 345-baby 3-bóligine sáıkes tergeý amaldary júrgizilýde.
Eske sala keteıik, budan buryn Oralda avtokóliktiń áıel adamdy qaǵyp ketkenin jazǵan bolatynbyz.
