Oralda 53 jastaǵy áıel kámeletke tolmaǵan qyzdy jezókshelikke tartqan

ASTANA. QazAqparat - BQO-da áıel kámeletke tolmaǵan qyzdy jezókshelikke tartqan, – dep habarlaıdy Polisia.kz.

BQO PD Uıymdasqan qylmysqa qarsy kúres basqarmasy qyzmetkerleri Oral qalasyndaǵy saýnalar men jaldamaly páterlerdi tekserý boıynsha reıd is-sharalardy ótkizý barysynda jezókshelikpen aınalysqandardy ustady.

Oraldaǵy saýnalardyń birinde 46 jastaǵy azamatsha ıntımdik qyzmet kórsetý úshin 37 jáne 39 jastaǵy eki áıeldi usynyp, jeńgetaılyq uıymdastyrǵan.

Atalǵan fakti boıynsha QR QK 309-baby 1-bóligi boıynsha qylmystyq is qozǵaldy.

Sondaı-aq 53 jastaǵy áıel Oral qalasyndaǵy jaldamaly páterlerdiń birinde 17 jastaǵy kámeletke tolmaǵan jasóspirimdi jezókshelikpen aınalysýǵa tartqan. Kúdiktiler mundaı áreketteri úshin 10-15 myń teńge kóleminde aqshalaı syıaqy alǵan. Atalǵan fakti boıynsha QR QK 134-baby 1-bóligi boıynsha sotqa deıingi tergeý amaldary júrgizilip jatyr.

Foto: polisia.kz