Oralda 5 mlrd teńgege baǵalanǵan tergeý ızolıatorynyń qurylysy aıaqsyz qaldy

NUR-SULTAN. QazAqparat – Oralda qala ishinde salyna bastaǵan tergeý ızolıatory aıaqsyz qaldy. Búgin Ortalyq kommýnıkatsııalar qyzmetinde ótken baspasóz máslıhatynda BQO ákimi Ǵalı Esqalıev atalǵan máselege túsinik berdi, dep habarlaıdy QazAqparat tilshisi.

Oral qalasynda tergeý ızolıatorynyń qurylysy 2 jyl buryn bastalǵan. Keıin qurylysy aıaqtalmaǵan nysan ákimdik balansyna ótti.

«Iá, atalǵan ǵımarat bizdiń balansta. Jobanyń quny – 5 mlrd teńge. Tergeý ızolıatorynyń qurylysyn Іshki ister mınıstrligi bizdiń ótinishpen toqtatty. Sebebi ondaı mekeme qalanyń ishinde bolǵany jón emes dep sanaımyz. Tergeý ızolıatorynyń qala ishinde bolǵany negatıvke ákeletini ras. ıAǵnı qurylys bastalyp, belgili zań buzýshylyqtyń saldarynan aıaqtalmaǵan. Osyǵan baılanysty qylmystyq is qozǵaldy», - dedi Ǵ. Esqalıev.

Onyń aıtýynsha, aıaqsyz qalǵan ǵımaratty oblys ákimdiginiń balansyna berý týraly sheshim Іshki ister mınıstrligimen birlesip qabyldandy.

«Ol ǵımaratta medıtsınalyq hab ashamyz degen jospar bolǵan. Biraq pandemııaǵa baılanysty ınvestor óz sheshiminen bas tartty. Qazir qurylysy bastalǵan ǵımaratty aıaqtap, belgili maqsatta qoldaný úshin ınvestor izdep jatyrmyz», - deıdi ol.

Buǵan deıin atalǵan óńir basshysy kıikterdi atýǵa qatysty óz oıyn bildirgen edi.