Oralda 5 kúnde jol erejesin 33 ret buzǵan júrgizýshige 1 mln teńge aıyppul salyndy
BQO polıtsııa departamentiniń baspasóz qyzmetinen málim etkenindeı, 15 qyrkúıek kúni Suncar Smart Qorgau júıesi oblys ortalyǵynda jyldamdyqty áldeneshe ret arttyrǵan «VAZ-2112» avtokóligin anyqtady.
«Atalǵan avtokólik shamamen saǵat 10.10-da Oral qalasy polıtsııa basqarmasy patrýldik polıtsııa batalony qyzmetkerlerimen H.Esenjanov kóshesinde toqtatyldy. Júrgizýshi Oral qalasynyń 19 jastaǵy turǵyny bolyp shyqty. Bes kúnniń ishinde 33 ret jyldamdyqty asyrǵan oǵan 1 mln 500 teńge kóleminde aıyppul salyndy. Júrgizýshi ońaılatylǵan tártipte aıyppuldyń 50 paıyzyn óteı alady, ıaǵnı, ol 500 myń 250 teńgeni quraıdy. Qazirgi ýaqytta avtokólik arnaıy turaqqa qoıyldy», dep habarlady vedomstvodan.
Eske sala keteıik, budan buryn Batys Qazaqstanda aǵashqa soǵylǵan júk kóliginiń janyp ketkenin jazǵan bolatynbyz.