Oralda 48 jastaǵy áıel 10 kúnnen beri izdestirilip jatyr

ORAL. QazAqparat – Oralda iz-túzsiz joǵalyp ketken 48 jastaǵy áıel 10 kúnnen beri izdestirilip jatyr, dep habarlaıdy QazAqparat tilshisi.

BQO polıtsııa departamentiniń baspasóz qyzmetinen málim etkenindeı, Ámına Shahanova 21 mamyr kúni shamamen saǵat 13.00-de Zachagan kentindegi Qajymuqan kóshesi 27-mekenjaıynda ornalasqan úıinen shyǵyp ketkennen oralmaǵan.

«Erekshe belgileri joq, tolyq deneli, boıy 160-165 sm, shashy ıyǵyna túsken, qara. Ústine qyzyl kúrte, qara shalbar, aıaǵyna aq krossovka kıgen. Áıeldi kórgen, qaıda júrgenin biletin adamdar bolsa, 8(7112)-92-18-04, 92-18-96, 8-702-790-44-50, 8-705-747-99-99 telefondaryna qońyraý shalýlary suralady», dep habarlady vedomstvodan.

Eske sala keteıik, budan buryn BQO-da zırat eskertkishterin qıratqan balalar bolyp shyqqanyn jazǵan edik.

Sondaı-aq Astrahan-Atyraý jolaýshylar poıyzynda 25 jastaǵy kelinshek bosanyp qaldy.